Aðalbjörg eða Abba eins og hún kallar sig útskrifaðist með BSc í líffræði frá Háskóla Íslands 1979. Hún settist svo aftur á skólabekk í MHÍ 1981-1983, í málaradeild eftir fornám. Stundaði síðan nám við Konstskolan Hälsingborg 1984 – 1986, en lauk svo prófi í grafískri hönnun við MHÍ 1988. Hún hefur að auki verið á allmörgum námskeiðum í myndlist gegnum tíðina.

Abba hefur starfað við hönnun, myndskreytingar og auglýsingagerð frá 1988, hérlendis og í Svíþjóð og setið í stjórn FÍT og í ýmsum stjórnum og nefndum á vegum þess.

Upp úr síðustu aldamótum fór Abba að fást æ meira við málverk og framan af eingöngu olíumálverk. Viðfangsefnið var gjarnan goðsögnin um svaninn. Síðustu árin hefur hún snúið sér alfarið að vatnslitum og viðfangsefnin ýmiskonar.

Aðalbjörg hefur haldið sjö einkasýningar hérlendis og tekið þátt í nokkrum samsýningum.