Ég er alin upp við myndlist. Var ung heimagangur í Myndlista- og handíðaskóla Íslands meðan mamma var þar við nám. Stundaði nám við sama skóla 1972-1974. Lengst samfellt var ég við nám í Myndlistarskólanum í Reykjavík á níunda áratugnum, einkum í teikningu, grafík og málun, allt að 20 stundir á viku með vinnu. Skrifaði ágrip af sögu skólans 1947-1987. Er ein af stofnfélögum Grósku í Garðabæ og á Álftanesi. Fékk fyrst áhuga á vatnslitatækni á námskeiði listafélagsins Dægradvalar á Álftanesi undir handleiðslu Gunnlaugs Stefáns Gíslasonar rétt fyrir árþúsundamótin. Þegar Vatnslitafélag Íslands var stofnað í ársbyrjun 2019 var ég meðal stofnfélaga og fékk strax brennandi áhuga á möguleikum vatnslitatækninnar. Sótti vatnslitanámskeið hjá Keith Hornblower haustið 2019.