Ása hefur haft áhuga á myndlist alla tíð en hún menntaði sig á sviði náttúrufræði og starfar nú sem prófessor á sviði vistheimtarfræða við Landbúnaðarháskóla Íslands. Hún sótti námskeið í teiknun og málun við Myndlistaskólann í Reykjavík, Myndlistarskóla Mosfellsbæjar og Myndlistarskóla Kópavogs og stundar nú BA nám við Open College for the Arts í Bretlandi meðfram vinnu. Árið 2011 kynntist Ása undrum vatnslitanna undir leiðsögn Derek Mundell í Myndlistarskóla Kópavogs og hafa vatnslitir æ síðan skipað stóran sess í myndlist hennar.

​

Viðfangsefni Ásu í málverkinu spretta oft af störfum hennar. Hún hefur mikinn áhuga á samspili vísinda og lista, meðal annars til að vekja athygli á og auka skilning á náttúrunni og stöðu vistkerfa, auk þess sem teiknun og málun er henni mikilvæg leið til að kanna og upplifa.