Derek K Mundell B.Sc., B.A.  fæddist í Englandi 1951 en fluttist til Íslands 1976 og hefur búið hér síðan. Fyrir þrjátíu árum eða svo vaknaði áhugi hans á að mála með vatnslitum og að því verkefni hefur hann unnið síðan.  Í mörg ár þróaði hann verk sín og tækni sem áhugamál eingöngu en vann fulla vinnu við vísindastörf og síðar að markaðsmálum.  Hann naut á þessum tíma leiðsagnar margra listamanna og kennara hérlendis, í Englandi og Bandaríkjunum, og þeir vörðuðu þá spennandi leið sem fólst í þekkingu á vatnslitamálun.

Árið 2007 greip Derek tækifærið til að skipta um stefnu í störfum sínum og hefur síðan kennt vatnslitamálun á námskeiðum fyrir fullorðna í Myndlistarskóla Kópavogs. Vorið 2011 lauk hann B.A. námi í listfræði og listasögu frá Háskóla Íslands.

Árið 2019 stofnaði hann Vatnslitafélag Íslands og hefur gegnt formennsku frá upphafi.

Derek hefur haldið níu einkasýningar hérlendis og tekið þátt í mörgum samsýningum. Hann á verkí í einkasöfnum á Íslandi, í Kanada, Svíþjóð, Noregi, Bandaríkjunum, Suður Afríku og Bretlandi.