Margrét (f. 1948)  Hún lauk kennaraprófi frá Myndlista- og handíðaskóla Íslands 1975 og Meistaraprófi í dönsku og ensku frá Háskóla Íslands 1993.  Margrét stofnaði Myndlistaskóla Garðabæjar og rak hann í 15 ár. 

​

Margrét sótti námskeið í vatnslitun í Myndlistarskóla Kópavogs í nokkur ár og naut þar handleiðslu Erlu Sigurðardóttur og Derek Mundell.  Einnig hefur hún sótt námskeið hjá erlendum listamönnum og má þar nefna Bridget Woods, Keith Hornblower, Ylva Molitor-Gardsell og Ann Larson.

​

Myndefni Margrétar hefur verið ýmis konar, en landslag og fuglar hefur verið henni hugleikið undanfarin ár.  Í landslagsmyndunum er það flæði litanna, samspil birtu og skugga sem er viðfangsefnið. 

​

Í fuglamyndunum leitast Margrét við að draga fram sérkenni fuglanna fremur en að gefa nákvæma lýsingu á fuglunum.  Í meðförum hennar birtast fuglarnir sem verur með næstum mannlega eiginleika, sumir þeirra horfa á áhorfandann hvössum augum eða spurulum, það er áhorfandans að ákveða hvað undir býr.