Örn Bárður Jónsson (1949) hefur starfað sem djákni, verkefnissstjóri á Biskupsstofu og fræðslustjóri kirkjunnar og sem sóknarprestur, lengst af við Neskirkju í Reykjavík og svo í Noregi fimm seinustu starfsárin. Og nú gefst honum meiri tími til að teikna og mála! 

​

Uppúr 1990 hóf hann aftur að mála með olíu og fór svo um tíma út í akrýl. Eftir langt hlé hófst skissu- og vatnslitatímabilið sem staðið hefur í að minnstu kosti 10 ár.

​

Árið 1997 sótti hann námskeið í módelteikningu hjá Þorra Hringssyni í Myndlistarskóla Reykjavíkur en hafði nokkrum árum áður tekið þátt í námskeiði hjá Kristínu Blöndal í Myndlistarskóla Garðabæjar. Þá hefur hann málað nokkrum sinnum úti með vini sínum, Óskari Thorarensen og lært af honum margt gott.

​

Örn sótti námskeið í Frakklandi sumarið 2012 hjá Alvaro Castagnet og sýndi verk sín í fyrsta sinn formlega í Noregi sumarið 2019. Seinasta sýning hans og sú fyrsta á Íslandi, einkasýning, var sett upp í Galleríi 16 við Vitastíg í Reykjavík í desember 2021.