Sólveig Dagmar Þórisdóttir hefur verið starfandi listamaður að Korpúlfsstöðum í Reykjavík frá árinu 2007 og er nú með vinnustofu að Keilugranda í Vesturbænum. Langur starfsferil er að baki sem myndlistarmaður, grafískur hönnuður og hagnýtur menningarmiðlari. Einnig sem ökuleiðsögumaður yfir tvo áratugi fyrir stærstu ferðaþjónustufyrirtæki Íslands. Hún er jafnframt eigandi Create Iceland – Travel ehf.

Málverkin eru uppspretta mikillar leitar, við það að finna aðferð og fá innsýn í hugarheim, þroska og dýpt, sem einstaklingurinn þroskar með sér við að skapa list sína, í ró úti í „Listasalnum náttúrunni“.

„Myndlistarmaðurinn tengir þannig listsköpun sína við sköpunarkraft sinn í náttúrunni og málar oftast á staðnum á ferðalögum sínum.  Þannig miðlar hún myndlistinni á áhrifaríkan hátt og sýnir sig jafnframt í vídeóverki við undirbúning málverkanna.“

​

Sólveig var gestalistamaður Hveragerðisbæjar í listhúsi þeirra „Varmahlíð“ í júnímánuði árin 2009 og 2021.