Svava hefur unnið með vatnsliti í yfir 30 ár. Hún var einn af stofnendum Myndlistarfélags Árnessýslu og vann lengi með þeim þegar hún bjó á Selfossi.

Hún sótti tíma í teikningu í Myndlistarskólanum í Ásmundarsal hjá Ragnari Kjartanssyni, síðar fór hún til til Kaupmannahafnar í nám við Bergenholtz Dekorations Fagskole þar sem mikil áhersla var lögð á litameðferð og myndbyggingu.

 

Hún sækir áhrif og hugmyndir úr náttúrunni og hefur gott útsýni til himins og hafs þar sem Snæfellsjökull blasir við þegar honum sýnist. Úr gönguferðum kveikja klettar og hraun á hugmyndafluginu og þar gægjast oft andlit þakin mosa og skófna.

 

Hún hefur haldið 12 einkasýningar og tekið þátt í fjölda samsýninga. Listasafn Árnesinga í Hveragerði og Listasafn Íslands eiga myndir eftir hana.

​​